مجله فانوس توانمندسازی جوانان از طریق رسانه
مطالب مرتبط
ارسالی: مروه
وه که کونگلوم ناله سی هردم بوزولغان جان ارا
گوییا بیر جغدا یرور فریاد ایتارویران ارا
حقه لعلینگ ارا سینده ایرور مودر تیشینگ
یا ایرور اول ژاله کیم بولغای گل خندان ارا
هر کیشی کورسه پریلر ایچره سین کوز مردمین
بیر پرینی جلوه قیلغان ساغینور انسان ارا
آنچه قان توکتی کوزوم هجرینگده،ای کوزمردمی!
ایمدی کوز آچسام کورا رمین عالمی دور قان ارا
سیل کیلسه ژاله بیرله اوخشاتورمین انگاکیم
کوز لاریم نینگ آقی آققان دیده گریان ارا
ایسته گچ مجروح کونگلومدین اوقینی،رشکدین
تاپماسون دیب یاشوروب مین سینه بریان ارا
ایکی قاشینگ نینگ خیالی متصل کونگلومدا دور
بیر دلاوردیک که سالمیش ایکی یاقربان ارا
هجرگردا بینده غرق اولدوم،کمند وصل ایله
چیک مینی کیم قالمایین بوبحربی پایان ارا
کیلدی اشکیمغه علاج ایتما ککابیر کون پیرعشق
ای حسینی!کویدی او شبوشعله سوزان ارا
